ଭୁବନେଶ୍ୱର, ୧୪/୦୩: ରାଜ୍ୟରେ ରେକର୍ଡ ଭାଙ୍ଗୁଛି ତାପମାତ୍ରା । ଆଜି ୩ ସହରର ପାରଦ ୪୦ ଡିଗ୍ରୀ ଟପିଥିବା ବେଳେ ୩୭ ଡିଗ୍ରୀ ଉପରେ ରହିଛି ୧୦ ସହର । ଝାରସୁଗୁଡାରେ ସର୍ବାଧିକ ୪୧. ୮ ଡିଗ୍ରୀ ତାପମାତ୍ରା ରେକର୍ଡ ହୋଇଥିବା ବେଳେ ସମ୍ବଲପୁରରେ ୪୦. ୩ ଡିଗ୍ରୀ, ହୀରାକୁଦରେ ୪୦ .୧ ଡିଗ୍ରୀ ତାପମାତ୍ରା ରେକର୍ଡ ହୋଇଛି । ସେହିପରି ରାଉରକେଲାରେ ୩୯ ଦଶମିକ ୪ ଡିଗ୍ରୀ , କେନ୍ଦୁଝରରେ ୩୭ ଦଶମିକ ୯ ଡିଗ୍ରୀ, ଚାନ୍ଦବାଲିରେ ୩୭ ଦଶମିକ ୮ ଡିଗ୍ରୀ, ବାଲେଶ୍ୱର ୩୭ ଦଶମିକ ୬ ଡିଗ୍ରୀ, ଭୁବନେଶ୍ୱରରେ ୩୭ ଦଶମିକ ୨ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଏନେଇ ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ଆସନ୍ତକାଲି ହୋଲିରେ ମଧ୍ୟ ପ୍ରବଳ ଗରମ ଅନୁଭୂତ ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ ।