ନୂଆଦିଲ୍ଲୀ, ୨୩/୧୨: ବେଙ୍ଗାଲୁରୁରେ ବଡ଼ ସଡ଼କ ଦୁର୍ଘଟଣା ଘଟିଛି। ଜାତୀୟ ରାଜପଥରେ କାର ଉପରେ ପଡ଼ିଗଲା କଣ୍ଟେନର। ଦୁର୍ଘଟଣାରେ ଏକ ସଫ୍ଟୱେର କମ୍ପାନୀର ସିଇଓଙ୍କ ସମେତ ପରିବାରର ୬ ଜଣଙ୍କ ମୃତ୍ୟୁ ହୋଇଛି। ଆଇଏଏସ୍ଟି ସଫ୍ଟୱେର କମ୍ପାନୀର ସିଇଓ ଚନ୍ଦ୍ରମ ତାଙ୍କ ପରବାର ସଦସ୍ୟଙ୍କ ସହ ନିଜ ଗାଁ ମହାରାଷ୍ଟ୍ରର ସାଙ୍ଗଲୀ ଯାଉଥିଲେ। କୋଟିଏ ଟଙ୍କାର ଭଲ୍ଭୋ ଏସୟୁଭି କାରରେ ଯାଉଥିଲେ ପୂରା ପରିବାର। ରାସ୍ତାରେ ଏକ କଣ୍ଟେନର ତାଙ୍କ କାର ଉପରେ ପଡ଼ିଯାଇଥିଲା। କାରରେ ଥିବା ସମସ୍ତ ୬ ଜଣଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଛି।