ନୂଆଦିଲ୍ଲୀ,୬/୧୨: ଉତ୍ତରପ୍ରଦେଶ କନୌଜରେ ଭୟଙ୍କର ସଡକ ଦୁର୍ଘଟଣା ଘଟିଛି। ଆଗ୍ରା-ଲକ୍ଷ୍ନୌ ଏକ୍ସପ୍ରେସ ହାଇଓ୍ୱେରେ ଗୋଟଏ ବସ୍ ଦୁର୍ଘଟଣାଗ୍ରସ୍ତ ହେବା ଫଳରେ ୮ ଜଣ ଲୋକ ପ୍ରାଣ ହରାଇଛନ୍ତି । ତେବେ ଏହି ଦୁର୍ଘଟଣାରେ ଏକାଧିକ ଲୋକ ଆହତ ହେଇଥିବା ନେଇ ଖବର ଆସିଛି । ବସରେ ୪୦ ଜଣ ଯାତ୍ରୀ ଥିଲେ, ତେବେ ଦୁର୍ଘଟଣାରେ ୮ ଜଣ ଲୋକ ମୃତ୍ୟୁବରଣ କରିଥିବା କୁହାଯାଉଛି । ଆଜି ଦ୍ୱିପହର ସମୟରେ କନୌଜ ଜିଲ୍ଲା ସକରାବା ଥାନା ଅଞ୍ଚଳରେ ଥିବା ଆଗ୍ରା-ଲକ୍ଷ୍ନୌ ଏକ୍ସପ୍ରେସ୍ ହାଇଓ୍ୱେରେ ଏହି ଦୁର୍ଘଟଣା ଘଟିଛି ।