ଭୁବନେଶ୍ୱର,୦୫/୦୪: କେନ୍ଦୁଝରର ବିଜେଡି ନେତା ରାଜା ଚକ୍ରଙ୍କ ବଢ଼ିଲା ଅଡ଼ୁଆ । ତାଙ୍କ ଜାମିନ୍ ଆବେଦନ ଖାରଜ ହୋଇଛି । କୋଟି କୋଟି ଟଙ୍କା ହେରଫେର ମାମଲା ଥିବାରୁ ଜାମିନ୍ ଖାରଜ କରିଛନ୍ତି ବାଲେଶ୍ବର ଓପିଆଇଡି କୋର୍ଟ । ରାଜା ଚକ୍ରଙ୍କ ସମ୍ପୃକ୍ତି ଥିବା ବିଭିନ୍ନ ସଂସ୍ଥାରେ ଯାଞ୍ଚ କରିଛନ୍ତି କ୍ରାଇମବ୍ରାଞ୍ଚ ଇଓଡବ୍ଲୁର ୨ ଜଣିଆ ଟିମ୍ । ଜଙ୍ଗଲ ଜମିରେ ରାଜାଙ୍କ ଫାର୍ମ ହାଉସ୍ ଥିବା ଅଭିଯୋଗର ଖୋଳତାଡ଼ କରିଛି ଇଓଡବ୍ଲୁ । ବନ ବିଭାଗ ଓ ରାଜସ୍ବ ବିଭାଗର ଅଧିକାରୀଙ୍କୁ ସାଙ୍ଗରେ ନେଇ ତଦନ୍ତ କରାଯାଇଛି । କେନ୍ଦୁଝର ଜିଲ୍ଲା ଶୁଆକାଟୀ ଗନ୍ଧମାର୍ଦ୍ଦନ ଲୋଡିଂ ଏଜେନ୍ସିରେ କୋଟି କୋଟି ଟଙ୍କା ହେରଫେର ମାମଲାରେ ଫସିଛନ୍ତି ରାଜା ଚକ୍ର। ତାଙ୍କର ଗୋପାଳପୁର ଠାରେ ଥିବା ଫାର୍ମ ହାଉସ୍, ବିଭିନ୍ନ ସ୍ଥାନରେ ଥିବା କ୍ରସର୍ ଏବଂ ଅନ୍ୟ ସଂସ୍ଥାରେ ଆଜି କ୍ରାଇମବ୍ରାଞ୍ଚର ଜଣେ ଅଫିସରଙ୍କ ନେତୃତ୍ୱରେ ଟିମ୍ ବିଭିନ୍ନ ଦିଗକୁ ନେଇ ତଦନ୍ତ କରିଛନ୍ତି ।