ଭୁବନେଶ୍ୱର, ୦୫/୦୪: ଭାରତ ଏବଂ ଶ୍ରୀଲଙ୍କା ମଧ୍ୟରେ ସାଂସ୍କୃତିକ ଏବଂ ଧାର୍ମିକ ସଂପର୍କକୁ ମଜଭୁତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଶ୍ରୀଲଙ୍କା ରାଷ୍ଟ୍ରପତି ଅନୁରା କୁମାରା ଦିଶାନାୟକେ ‘ମିତ୍ର ବିଭୂଷଣ’ ପୁରସ୍କାରରେ ସମ୍ମାନିତ କରିଛନ୍ତି । ଶ୍ରୀଲଙ୍କାର ‘ମିତ୍ର ବିଭୂଷଣ’ ପଦକ ସମ୍ପର୍କରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଶ୍ରୀଲଙ୍କାର ମିତ୍ର ବିଭୂଷଣରେ ସମ୍ମାନିତ ହେବା ମୋ ପାଇଁ ଗର୍ବର ବିଷୟ। ଏହି ପଦକ ଭାରତ-ଶ୍ରୀଲଙ୍କା ସମ୍ପର୍କର ଗଭୀରତା ଏବଂ ଉଷ୍ମତାକୁ ପ୍ରତିଫଳିତ କରିଛି। ଏହି ସମ୍ମାନ କେବଳ ମୋର ନୁହେଁ, ବରଂ ଏହା ୧୪୦ କୋଟି ଭାରତୀୟଙ୍କ ସମ୍ମାନ। ଏହା ଭାରତ ଏବଂ ଶ୍ରୀଲଙ୍କା ମଧ୍ୟରେ ଐତିହାସିକ ସମ୍ପର୍କ ଏବଂ ଗଭୀର ବନ୍ଧୁତା ପ୍ରତି ଏକ ସମ୍ମାନ।