ନୂଆଦିଲ୍ଲୀ,୩୧/୧୦: ରାଷ୍ଟ୍ରୀୟ ଏକତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସର୍ଦ୍ଦାର ବଲ୍ଲଭଭାଇ ପଟେଲଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଆଜି ବଲ୍ଲଭଭାଇ ପଟେଲଙ୍କ ୧୪୯ ତମ ଜନ୍ମ ବାର୍ଷିକୀ । ପ୍ରଧାନମନ୍ତ୍ରୀ ଗୁଜୁରାଟର କେଭାଡିଆରେ ଥିବା ‘ଷ୍ଟାଚ୍ୟୁ ଅଫ୍ ୟୁନିଟି’ ପରିଦର୍ଶନ କରି ପୁଷ୍ପମାଲ୍ୟ ଅର୍ପଣ କରିଥିଲେ। ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ମଧ୍ୟ ଲୋକଙ୍କୁ ସମ୍ବୋଧିତ କରିଛନ୍ତି। ସେ କହିଛନ୍ତି, “ଆଜି ଆମ ସାମ୍ନାରେ ଏମିତି ଏକ ଭାରତ ଅଛି ଯାହା ପାଖରେ ଲକ୍ଷ୍ୟ, ଦିଗ ଏବଂ ନିଷ୍ଠା ଅଛି। ଏମିତି ଏକ ଭାରତ ଯାହା ଶକ୍ତିଶାଳୀ, ସମ୍ବେଦନଶୀଳ ଏବଂ ସତର୍କ ମଧ୍ୟ ରହିଛି | ଭାରତ ଉଭୟ ଶକ୍ତି ଏବଂ ଶାନ୍ତିର ମହତ୍ତ୍ୱ ବୁଝିଛି |
ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି, ବର୍ତ୍ତମାନ ଆମେ ଗୋଟିଏ ଦେଶ, ଗୋଟିଏ ନିର୍ବାଚନ ଉପରେ କାର୍ଯ୍ୟ କରୁଛୁ ଯାହା ଭାରତର ଗଣତନ୍ତ୍ରକୁ ମଜବୁତ କରିବ ଏବଂ ବିକଶିତ ଭାରତର ସ୍ୱପ୍ନ ହାସଲ କରିବ । ଏହା ସମୃଦ୍ଧତା ହାସଲ କରିବାରେ ଦେଶ ନୂତନ ଗତି ଲାଭ କରିବ।