ଭୁବନେଶ୍ୱର,୩୦/୧୨: ଅଦିନିଆ ଲଘୁଚାପ ଜନିତ ଲଗାଣ ବର୍ଷାରେ ଉଜୁଡ଼ି ଯାଇଛି ଫସଲ। ଫସଲ ନଷ୍ଟ ସହି ନପାରି କିଛି ଚାଷୀ ନିଜ ଜୀବନ ବି ହାରିଦେଇଛନ୍ତି। ଗତକାଲି ଖୋଦ୍ ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀ ଓ ଅନ୍ୟ ମନ୍ତ୍ରୀମାନେ ଗ୍ରାଉଣ୍ଡ ଜିରୋରେ ସ୍ଥିତି ପରଖିଥିଲେ। ଆଉ ଆଜି ଗଂଜାମ ଯାଇ ଚାଷୀଙ୍କୁ ଭେଟିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ। ନିର୍ବାଚନ ପରେ ଏହା ନବୀନଙ୍କ ପ୍ରଥମ ହିଞ୍ଜିଳି ଗସ୍ତ। ହିଞ୍ଜିଳିର ଶେରଗଡ଼ରେ ପହଞ୍ଚି ନବୀନ ଚାଷୀଙ୍କୁ ଭେଟିଛନ୍ତି। ପ୍ରଥମେ ତାକରଡା, ବୁରୁପଡ଼ା ଓ ପୋଡ଼ିଙ୍ଗଠାରେ ଚାଷୀ ମାନଙ୍କ କ୍ଷୟ କ୍ଷତି ବିଷୟରେ ଆଲୋଚନା କରିଥିଲେ । ସେଠାରୁ ଆସିକା ବ୍ଲକ ପହଞ୍ଚି ବରଗାଁ ପଞ୍ଚାୟତ ଓ କବିସୂର୍ଯ୍ୟନଗର ଆମ୍ବଶିଖାପୁର ପଡିଆରେ ଚାଷୀମାନଙ୍କୁ ଭେଟି ଆଲୋଚନା କରିଥିଲେ।