ଭୁବନେଶ୍ୱର,୧୯/୧୧: କଟକ ବାରବାଟୀ ଷ୍ଟାଡିଅମରେ ହେବାକୁ ଥିବା ମ୍ୟାଚର ଟିକେଟ ଦର ବୃଦ୍ଧି ନେଇ ଅସନ୍ତୋଷ ବଢୁଥିବା ବେଳେ ଏବେ କ୍ରିକେଟପ୍ରେମୀଙ୍କ ପାଇଁ ଆଶ୍ୱସ୍ତି । ଟିକେଟ ଦର ସାମାନ୍ୟ ହ୍ରାସ ପାଇଛି । ଗ୍ୟାଲେରି-୧ ପାଇଁ ଟିକେଟ ଦର ୧୨ ଶହ ଧାର୍ଯ୍ୟ କରାଯାଇଥିବା ବେଳେ ଶହେ ଟଙ୍କା କମି ୧୧ ଶହ ଟଙ୍କା ହୋଇଛି ।ସେହିପରି ଗ୍ୟାଲେରି- ୨ ପାଇଁ ଟିକେଟ ଦର ୧୦୦୦ ଟଙ୍କା ଧାର୍ଯ୍ୟ କରାଯାଇଥିବା ବେଳେ ଶହେ ଟଙ୍କା କମି ୯ ଶହ ଟଙ୍କା କରାଯାଇଛି । ଗ୍ୟାଲେରି-୩ ଶହେ ଟଙ୍କା କମି ୧୧ ଶହ ଟଙ୍କା ହୋଇଛି ଏବଂ ଗ୍ୟାଲେରି-୫ ୧୫ ଶହ ଥିଲା, ୧୨ ଶହ ହେଲା ।
ସୂଚନାଯୋଗ୍ୟ ଯେ କଟକ ବାରବାଟୀ ଷ୍ଟାଡିୟମରେ ଆସନ୍ତାବର୍ଷ ଫେବ୍ରୁଆରୀ ୯ ତାରିଖରେ ଖେଳାଯିବାକୁ ଥିବା ଭାରତ-ଇଂଲଣ୍ଡ ଦିନିକିଆ ସିରିଜର ଦ୍ୱିତୀୟ ମ୍ୟାଚ୍ ବାରବାଟୀ ଷ୍ଟାଡିୟମରେ ଖେଳାଯିବ । ମିଳିଥିବା ସୂଚନା ମୁତାବକ, ଆସନ୍ତା ବର୍ଷ ଜାନୁଆରୀ ୨୨ ତାରିଖରେ ଇଂଲଣ୍ଡ ଦଳ ଭାରତ ଗସ୍ତରେ ଆସି ୫ଟି ଟି-୨୦ ଏବଂ ୩ଟି ଦିନିକିଆ ମ୍ୟାଚ୍ ଖେଳିବ । ଏହା ଭିତରୁ ଦ୍ୱିତୀୟ ଦିନିକିଆ ମ୍ୟାଚଟି କଟକରେ ଖେଳାଯିବ ।