ଭୁବନେଶ୍ୱର,୧୩/୧୨: ବଜାରରେ ହୁ ହୁ ହୋଇ ବଢ଼ୁଛି ପରିବା ଦର। ଏବେ ବଢୁଥିବା ଅତ୍ୟାବଶ୍ୟକ ଖାଦ୍ୟ ସାମଗ୍ରୀ ଦେଖି ଚିନ୍ତାରେ ଖାଉଟି। ଗତ କିଛି ଦିନ ହେଲା ଆଳୁ ଦରରେ ବ୍ରେକ ଲାଗୁନଥିବା ବେଳେ ଏବେ ଅଣ୍ଡା ଦର ଆକାଶଛୁଆଁ ହୋଇଛି।
ମହଙ୍ଗା ଆଳୁ ଦରରୁ ଆଶ୍ବସ୍ତି ମିଳିନଥିବା ବେଳେ ଏବେ ଅଣ୍ଡା ଦରକୁ ନେଇ ଚିନ୍ତାରେ ଖାଉଟି । ଯେଉଁଠି ୫ରୁ ୬ ଟଙ୍କା ମଧ୍ୟରେ ଅଣ୍ଡା ମିଳୁଥିଲା। ତାହା ଏବେ ବଢ଼ି ୭ରୁ ୮ ଟଙ୍କାରେ ପହଞ୍ଚିଛି ।
ହୋଲସେଲ ଅଣ୍ଡା ପେଟିର ଦାମ ୧୩୫୦ରୁ ୧୪୦୦ ଟଙ୍କା ରହିଛି
ଖୁଚୁରା ବଜାରରେ ପ୍ରତି ଅଣ୍ଡା ପିଛା ଦାମ ୭ରୁ ୮ ଟଙ୍କା
ଅନେକ ଜାଗାରେ ମନଇଚ୍ଛା ୯ ଟଙ୍କାରେ ବିକ୍ରି କରୁଛନ୍ତି ଦୋକାନୀ।
ମୁଣ୍ଡ ଟେକିଥିବା ଅଣ୍ଡା ଦର ସମସ୍ୟା ସମାଧାନ ହେବ, ନା ଖାଉଟି ହନ୍ତସନ୍ତ ହେବେ, ନା ମନ୍ତ୍ରୀ ଖାଉଟିଙ୍କ ସ୍ବାର୍ଥକୁ ଦୃଷ୍ଟିରେ ରଖି ପଦକ୍ଷେପ ନେବେ, ତା’ ଉପରେ ରହିଛି ନଜର।