ଭୁବନେଶ୍ୱର, ୧୦/୬: ବାତ୍ୟା ୟାସ ଯୋଗୁଁ ରାଜ୍ୟରେ ଚାଷୀଙ୍କର ବହୁତୁ କ୍ଷୟକ୍ଷତି ଘଟିଛି। ତେଣୁ ବାତ୍ୟା ୟାସ୍ ପ୍ରଭାବିତ ଚାଷୀଙ୍କ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବଡ ଘୋଷଣା କରିଛନ୍ତି। ସେ କହିଛନ୍ତି ଯେ ୩୩ ପ୍ରତିଶତ ବା ଅଧିକ କ୍ଷତି ହୋଇଥିବା ଫସଲ ପାଇଁ ଅଣଜଳସେଚିତ ଅଞ୍ଚଳରେ ଛୋଟ ଓ ନାମମାତ୍ର ଚାଷୀ ଙ୍କୁ ହେକ୍ଟର ର ପିଚ୍ଛା ୬୮୦୦ ଟଙ୍କା ଇନପୁଟ ସବସିଡି ଦିଆଯିବ। ସେହିପରି ଜଳସେଚିତ ଅଞ୍ଚଳରେ ହେକ୍ଟର ପିଚ୍ଛା ୧୩,୫୦୦ ଟଙ୍କା ଏବଂ ସମସ୍ତ ପ୍ରକାର ସବୁଦିନିଆ ଫସଲ ପାଇଁ ହେକ୍ଟର ପିଚ୍ଛା ୧୮,୦୦୦ ଟଙ୍କା ଇନପୁଟ ସବସିଡି ଦିଆଯିବ ବୋଲିି ସୂଚନା ମିଳିଛି।