ନୂଆଦିଲ୍ଲୀ,୨/୦୪: ନାସା ପକ୍ଷରୁ ଭୟଙ୍କର ଚେତାବନୀ । ମାଡିଆସୁଥିବା ଉଲକାପିଣ୍ଡକୁ ନେଇ ଏପରି କିଛି ସୂଚନା ଦେଇଛି ନାସା । ନାସାର ଶକ୍ତିଶାଳୀ ଜେମ୍ସ ବେବ୍ ସ୍ପେସ୍ ଟେଲିସ୍କୋପ ନିକଟରେ ଉଲକାପିଣ୍ଡ ୨୦୨୪ YR4 କୁ ପୃଥିବୀ ନିକଟରେ ଘୂରି ବୁଲୁଥିବାର ଦେଖିଛି। ତେବେ ନାସାର ଗଣନା ଅନୁସାରେ ଏହି ଉଲକାପିଣ୍ଡ ପୃଥିବୀକୁ କିଛି କ୍ଷତି ପହଞ୍ଚାଇନପାରେ କିନ୍ତୁ ଚନ୍ଦ୍ର ପାଇଁ ସାଙ୍ଘାତିକ ବିପଦ ସୃଷ୍ଟି କରିବ ବୋଲି ନାସା ଗଣନା କରିଛି । ଯଦି ଏହା ଚନ୍ଦ୍ରକୁ ବାଡେଇ ହେଉଛି ତେବେ ଏହାର ପ୍ରଭାବ ପୃଥିବୀ ଉପରେ ନିଶ୍ଚିତ ପଡିବ । ନାସାର କହିବାନୁସାରେ ୨୦୩୨ ଡିସେମ୍ବରରେ ପୃଥିବୀ ଏବଂ ଚନ୍ଦ୍ର ପାଇଁ ବିପଦ ରହିଛି । ଏହା ମଧ୍ୟ କୁହାଯାଛି ଯଦି ପୃଥିବୀକୁ ଏହା ଧକ୍କା ଦିଏ ତେବେ ଧ୍ବଂଶ ସୁନିଶ୍ଚିତ । ଯଦି ଉଲକାପିଣ୍ଡ ପୃଥିବୀ କୁ ଧକ୍କା ଦିଏ କେଉଁ କେଉଁ ଦେଶରେ ଏହା ବ୍ୟାପକ ଧ୍ବଂସଲିଳା ସୃଷ୍ଟି କରିବ ? YR4 ଉଲକାପିଣ୍ଡ ର ପୁରା ନାମ ୨୦୨୪ରେ ରଖାଯାଇଥିଲା । ଏହି ଉଲକାପିଣ୍ଡକୁ ଅପୋଲୋ-ଟାଇମ୍ ଭାବେ ଚିହ୍ନଟ କରାଯାଇଥିଲା । ନାସା ଅନୁସାରେ, ଯଦି ଉଲକାପିଣ୍ଡ ଧକ୍କା ସତ୍ୟ ହୁଏ ତେବେ ଦକ୍ଷିଣ ଆମେରିକା, ପ୍ରଶାନ୍ତ ମହାସାଗର, ଦକ୍ଷିଣ ଏସିଆ, ଆରବ ସାଗର, ଆଟଲାଣ୍ଟିକ ମହାସାଗର କିମ୍ବା ଆଫ୍ରିକାର କିଛି ଅଂଶକୁ ପ୍ରଭାବିତ କରିପାରେ । ତେବେ ସବୁଠାରୁ ଖରାପ ପ୍ରଭାବ ପଡ଼ିବାର ଆଶଙ୍କା କରାଯାଉଥିବା ଦେଶଗୁଡ଼ିକ ମଧ୍ୟରେ ଭାରତ, ପାକିସ୍ତାନ, ବାଂଲାଦେଶ ଅନ୍ତର୍ଭୁକ୍ତ ।