ଭୁବନେଶ୍ୱର, ୨୦/୦୨: କିଟ ଛାତ୍ରୀ ଆତ୍ମହତ୍ୟା ମାମଲାରେ ଆଉ ୫ ଗିରଫ ହୋଇଛନ୍ତି । ଏକ ଭିଡ଼ିଓ ଆଧାରରେ ୫ଅଭିଯୁକ୍ତଙ୍କୁ ଗିରଫ କରିଛି କମିଶନରେଟ୍ ପୁଲିସ । ଜାମିନ ନାମଞ୍ଜୁର ହେବା ପରେ ଗିରଫ ୫ ଜଣଙ୍କୁ କୋର୍ଟ ଚାଲାଣ କରାଯାଇଛି । ୧୭ ତାରିଖରେ ଛାତ୍ରଛାତ୍ରୀ ହଷ୍ଟେଲ ଓ ଶିକ୍ଷାନୁଷ୍ଠାନ ପରିସର ଖାଲି କରୁଥିବାବେଳେ ଗିରଫ ଅଭିଯୁକ୍ତ ଓ ଅନ୍ୟ କର୍ମଚାରୀ ହଠାତ ସେଠାରୁ ଚାଲିଯିବାକୁ କହିଥିଲେ ।ଛାତ୍ରଛାତ୍ରୀ ହଷ୍ଟେଲ ଖାଲି କରିବାରେ ବିଳମ୍ବ ହେବାରୁ ଅଭିଯୁକ୍ତମାନେ ହଠାତ୍ ଉତ୍ତ୍ୟକ୍ତ ହୋଇ ଗାଳିଗୁଲଜ କରିବା ସହ ଆକ୍ରମଣ କରିଥିବା ଅଭିଯୋଗ ହୋଇଛି । ପୂର୍ବରୁ ମଧ୍ୟ କିଟ ଛାତ୍ରୀ ଆତ୍ମହତ୍ୟା ମାମଲାରେ ଦୁଇ ସୁରକ୍ଷା କର୍ମୀଙ୍କ ସହ ୫ ଜଣ ଗିରଫ ହୋଇଛନ୍ତି ।