ନୂଆଦିଲ୍ଲୀ,୧୦/୦୨: ୨୦୨୫ ବୋର୍ଡ ପରୀକ୍ଷା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦଶମ ଓ ଦ୍ଵାଦଶ ଶ୍ରେଣୀ ଛାତ୍ରଛାତ୍ରୀଙ୍କ ସହ ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମରେ ସିଧାସଳଖ କଥା ହୋଇଛନ୍ତି । ପରୀକ୍ଷାର୍ଥୀ କେମିତି ଚିନ୍ତାମୁକ୍ତ ହୋଇ ପରୀକ୍ଷା ଦେବେ ଓ ଭଲ ରେଜଲ୍ଟ କରିବେ ସେନେଇ ମାର୍ଗଦର୍ଶନ କରିଛନ୍ତି । ସେ ପିଲାଙ୍କୁ ପରୀକ୍ଷା ଟିପ୍ସ ଦେଇଛନ୍ତି।
ଛାତ୍ରଛାତ୍ରୀଙ୍କ ଉପରେ ସକାଳ ସୂର୍ଯ୍ୟକିରଣ ପଡ଼ିବା ନିହାତି ଆବଶ୍ୟକ। ସୁସ୍ଥ ରହିବା ପାଇଁ କୃଷକଙ୍କ ଭଳି ଖାଦ୍ୟାଭ୍ୟାସ କରିବା ଉଚିତ୍। ରୁଟି, ଭାତ ଭଳି ଗରିଷ୍ଠ ଖାଦ୍ୟ ଖାଇଲେ ଶରୀରକୁ ଉପଯୁକ୍ତ ପୋଷଣ ମିଳିବ। ସମସ୍ତଙ୍କ ପରାମର୍ଶ ନେଇ ନିଜ ବିବେକ ଅନୁସାରେ କାମ କରିବାତେବେ ନେତୃତ୍ବ ନେବା ପାଇଁ ଟିମୱାର୍କ ରହିବା ଦରକାର। ସୁନ୍ଦର ସ୍ବାସ୍ଥ୍ୟ ଓ ସୁସ୍ଥ ମାନସିକତା ପାଇଁ ପର୍ଯ୍ୟାପ୍ତ ନିଦ ଦରକାର। ମନ କଥାକୁ ପରିବାର ସହ ବାଣ୍ଟିଲେ ଚାପମୁକ୍ତ ରହିପାରିବେ। ନିଜ ପାଖରେ ଥିବା ୨୪ ଘଣ୍ଟାର ସଦୁପଯୋଗ କରିବା। ସବୁଠାରୁ ବଡ଼କଥା ହେଉଛି ଜୀବନରେ ବିଫଳତାରୁ ଶିକ୍ଷା ନେବା ପାଇଁ ପରାମର୍ଶ ଦେଇଛନ୍ତି ପ୍ରଧାନମନ୍ତ୍ରୀ।