ନୂଆଦିଲ୍ଲୀ,୧୫/୦୧: କଂଗ୍ରେସର ଉଦଘାଟନ ହେଲା ନୂଆ ପାର୍ଟି ଅଫିସ । ନୂଆ ଦଳୀୟ କାର୍ୟ୍ୟାଳୟକୁ ଦଳର ବରିଷ୍ଠ ନେତ୍ରୀ ସୋନିଆ ଗାନ୍ଧି ଉଦଘାଟନ କରିଛନ୍ତି । ନୂଆ ପାର୍ଟି ଅଫିସର ଉଦଘାଟନ ସହ କଂଗ୍ରେସର ନୂଆ ଠିକଣା ପାଲଟିଛି ୯-ଏ କୋଟଲା ରୋଡ୍ । କଂଗ୍ରେସ ସଭାପତି ମଲ୍ଲିକାଜୁର୍ନେ ଖଡଗେ, ବିରୋଧୀ ଦଳ ନେତା ରାହୁଲ ଗାନ୍ଧୀ ଓ ଅନ୍ୟ ବରିଷ୍ଠ କଂଗ୍ରେସ ନେତାଙ୍କ ଉପସ୍ଥିତିରେ କଂଗ୍ରେସର ନୂଆ ପାର୍ଟି ଅଫିସ ଉଦଘାଟନ ହୋଇଛି । ନୂଆ ଦଳୀୟ କାର୍ଯ୍ୟାଳୟର ଗ୍ରାଉଣ୍ଡ ଫ୍ଲୋରରେ ହାଇଟେକ ପ୍ରେସ କନଫରେନ୍ସ ତିଆରି କରାଯାଇଛି । ଏହାର ପଛ ପାର୍ଶ୍ବରେ କ୍ୟାଣ୍ଟିନ ରହିଛି । ବିଲ୍ଡିଂ ବାମପାର୍ଶ୍ବରେ କଂଗ୍ରେସ ମିଡ଼ିଆ ପ୍ରଭାରୀଙ୍କ ରୁମ ରହିଛି । ବିଲ୍ଡିଂର ପ୍ରଥମ ମହଲାରେ ବିଶେଷ କାର୍ଯ୍ୟକ୍ରମ ପାଇଁ ହାଇଟେକ ଅଡିଟୋରିୟମ ରହିଛି । ଏହାପୂର୍ବରୁ କଂଗ୍ରେସ ମୁଖ୍ୟାଳୟ ୨୪ ଆକବର ରୋଡରେ ରହିଥିଲା ।