ନୂଆଦିଲ୍ଲୀ,୧୩/୦୧: ବଡ ଧରଣର ଭୂକମ୍ପରେ ଥରିଲା ଜାପାନ । ଦକ୍ଷିଣପ୍ରାନ୍ତରେ ଥିବା କ୍ୟୁଶୁ କ୍ଷେତ୍ର ରହିଛି ଭୁକମ୍ପର କେନ୍ଦ୍ରସ୍ଥଳ । ରିକ୍ଟର ସ୍କେଲରେ ଭୁକମ୍ପର ତୀବ୍ରତା ୬.୬ ରହିଛି । ଏଥିସହ ଜାପାନ ପାଇଁ ସୁନାମୀ ଆଲର୍ଟ ଜାରି କରାଯାଇଛି । ତେବେ ଘଟଣାରେ ମୃତାହତ ସୂଚନା ଏବେ ସୁଦ୍ଧା ମିଳିପାରିନି । ସମ୍ବେଦନଶୀଳ ସ୍ଥାନ ପାଇଁ ଆଡଭାଇଜରୀ ଜାରି କରାଯାଇଛି । ଏକ ମିଟର୍ରୁ ୩ ମିଟର ଉଚ୍ଚ ଜୁଆର ଉଠିବା ନେଇ ଆକଳନ କରାଯାଉଛି । ଏଣୁ ସମୁଦ୍ର ନିକଟକୁ ନଯିବାକୁ ବାରଣ କରିଛି ଜାପାନ ପାଣିପାଗ ବିଭାଗ । ଏହାସହ ସତର୍କ ରହିବାକୁ କୁହାଯାଇଛି ।