ଭୁବନେଶ୍ୱର,୨୯/୧୨: ଆଜି ବୈପାରିଗୁଡା ଗୁପ୍ତେଶ୍ୱର ସୁକୁନାଳରେ ବସ୍ ଦୁର୍ଘଟଣାଗ୍ରସ୍ତ ହୋଇଛି । ଘାଟିରେ ବସ୍ ଓଲଟି ୪ଜଣଙ୍କ ମୃତ୍ୟୁ, ୩୦ରୁ ଅଧିକ ଆହତ ହୋଇଥିବା ସୂଚନା ମିଳିଛି। ୫୦ଜଣଙ୍କୁ ନେଇ କଟକ ନିଆଳିରୁ ବୈପାରିଗୁଡାର ଶୈବପୀଠ ଗୁପ୍ତେଶ୍ୱର ଦର୍ଶନ ପାଇଁ ଯାଉଥିବା ବେଳେ ଏହି ବସଟି ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣା ପରେ ବସ ତଳେ ଚାପି ୪ଜଣଙ୍କ ମୃତ୍ୟୁ ଘଟିଥିବା ବେଳେ ୩୦ରୁ ଉର୍ଦ୍ଧ୍ବ ଯାତ୍ରୀ ଆହତ ହୋଇଛନ୍ତି। ଅଗ୍ନିଶମ ବାହିନୀ, ବିଏସଏଫ ଯବାନ ଓ ସ୍ଥାନୀୟ ପୁଲିସ ଘଟଣାସ୍ଥଳରେ ଉଦ୍ଧାରକାର୍ଯ୍ୟ ଆରମ୍ଭ କରିଛନ୍ତି । କଟର ସାହାଯ୍ୟରେ ବସକୁ କାଟି ଅନ୍ୟମାନଙ୍କୁ ମୃତଦେହ ଉଦ୍ଧାର କରାଯାଉଛି । ଦୁର୍ଘଟଣାରେ ଜଣେ ୧୦ ବର୍ଷୀୟ ନାବାଳକର ଡାହାଣ ଗୋଡ଼ ଏବଂ ହାତ ସଂପୂର୍ଣ୍ଣ କଟି ଯାଇଥିବା ଜଣାପଡିଛି ।