ଇସ୍ରାଏଲ ଆକ୍ରମଣରେ ପୁଣି ଥରି ଉଠିଲା ଗାଜା, ଖାଦ୍ୟ ସଙ୍କଟ ଉପୁଜିବା ନେଇ ମିଳିଲା ଚେତାବନୀ

ନୂଆଦିଲ୍ଲୀ,୨୯/୧୧:  ଏବେ ବି ଥମିନି ଯୁଦ୍ଧ । ଇସ୍ରାଏଲ ଆକ୍ରମଣରେ ପୁଣି ଥରି ଉଠିଛି ଗାଜା ପଟି । ଲେବାନନ ସହ ଅସ୍ତ୍ରବିରାମ ଚୁକ୍ତି ପରେ ଏବେ ହମାସ ଆତଙ୍କବାଦୀଙ୍କୁ ଟାର୍ଗେଟ କରି ଭୟଙ୍କର ଆକ୍ରମଣ କରୁଛି ଇସ୍ରାଏଲ ସେନା ।

ଗାଜାର ଏକାଧିକ ସ୍ଥାନରେ ଆକାଶମାର୍ଗରୁ ହୋଇଛି ବୋମା ବର୍ଷା । ଯେଉଁଥିରେ ୧୯ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।  ଦୀର୍ଘ ଦିନରୁ ଯୁଦ୍ଧ ଚାଲିଥିବାରୁ ଗାଜାରେ ଭୟଙ୍କର ଦୁର୍ଭିକ୍ଷ ସଙ୍କଟ ସୃଷ୍ଟି ହୋଇଛି । ୨ ଲକ୍ଷରୁ ଅଧିକ ଲୋକ ଫସି ରହିଥିବା ବେଳେ ଖାଦ୍ୟ ସଙ୍କଟ ନେଇ ଚେତାବନୀ ଦେଇଛି ମିଳିତ ଜାତିସଂଘ । ୨୦୨୩ ଅକ୍ଟୋବରଠାରୁ ବର୍ତ୍ତମାନ ସୁଦ୍ଧା ଗାଜାରେ ୪୪ ହଜାର ୩୩୦ ପାଲେଷ୍ଟାଇନଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।