ନୂଆଦିଲ୍ଲୀ,୨/୦୨: ଅବକାରୀ ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ମଧ୍ୟ ଇଡି ନିକଟରେ ହାଜର ହେବେ ନାହିଁ। ଆମ୍ ଆଦମୀ ପାର୍ଟି ଏକ ଲିଖିତ ବିବୃତ୍ତି ଜାରି କରି ସ୍ପଷ୍ଟ କରିଛି ଯେ, ଅରବିନ୍ଦ କେଜ୍ରିୱାଲ ଆଜି ବି ପଚରାଉଚରାରେ ଯୋଗ ଦେବା ପାଇଁ ଇଡି କାର୍ୟ୍ୟାଳୟକୁ ଯିବେ ନାହିଁ। ଆମ୍ ଆଦମୀ ପାର୍ଟି ଇଡି ସମନକୁ ବେଆଇନ ବୋଲି କହିଛି। ଏହା ପୂର୍ବରୁ ମଧ୍ୟ ସେ ୪ଟି ସମନକୁ ଅଣଦେଖା କରିଛନ୍ତି। ବାସ୍ତବରେ ଇଡି ଅରବିନ୍ଦ କେଜ୍ରିୱାଲଙ୍କୁ ଏକ ନୂଆ ତଥା ପଞ୍ଚମ ସମନ ଜାରି କରିଛି। ଗତ ୪ ମାସ ମଧ୍ୟରେ ସେ ଫେଡେରାଲ ଏଜେନ୍ସିର ୪ଟି ସମନକୁ ସ୍ଥଗିତ ରଖିଛନ୍ତି। ତେବେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ତଦନ୍ତକାରୀ ସଂସ୍ଥା ନିକଟରେ ହାଜର ହେବେ କି ନାହିଁ ସେ ନେଇ ଆମ୍ ଆଦମୀ ପାର୍ଟି ଚୁପ୍ ରହିଛି।