କଖାରୁ ପ୍ରାୟେତ ସମସ୍ତିଙ୍କୁ ଖାଇବାକୁ ଭଲ ଲାଗିଥାଏ। ଏଥିରେ ବହୁ ପ୍ରକାର ବ୍ୟଞ୍ଜନ ବନା ଯାଇଥାଏ। କଖାରୁକୁ ରୋଷେଇ ପାଇଁ ବ୍ୟବହାର କରିବା ପରେ ଆମେ ସାଧାରଣତଃ କଖାରୁ ମଞ୍ଜିକୁ ଫିଙ୍ଗି ଦେଇଥାଉ। କିନ୍ତୁ କଖାରୁ ପରି କଖାରୁ ମଞ୍ଜି ଶରୀର ଲାଗି ବହୁତୁ ଉପକାରୀ ହୋଇଥାଏ। ଏହି ମଞ୍ଜିକୁ ଖାଇବା ଦ୍ୱାରା ଡାଇବେଟିସ୍ ରୋଗରୁ ରକ୍ଷା ମିଳିଥାଏ। ଶରୀରର ହର୍ମୋନକୁ ସନ୍ତୁଳିତ କରିବାରେ ମଧ୍ୟ କଖାରୁ ମଞ୍ଜି ସାହାଯ୍ୟ କରେ। ତେବେ ଆସନ୍ତୁ ଜାଣିବା କଖାରୁ ମଞ୍ଜିରୁ ଶରୀରକୁ ଆଉ କ’ଣ ସବୁ ଫାଇଦା ମିଳିଥାଏ।
କ୍ଷୀର ସହ କଖାରୁ ମଞ୍ଜିକୁ ବାଟି ପିଇବା ଦ୍ୱାରା ନିଦ୍ରାହୀନତା ସମସ୍ୟା ଦୂର ହୋଇଥାଏ। କଖାରୁ ମଞ୍ଜିକୁ ଯଦି ଆପଣ ବାଟି ପାରୁନାହାନ୍ତି ତେବେ ଏହାର ମଞ୍ଜିକୁ ଭାଜି ଖାଇ ପାରିବେ।
କଖାରୁ ମଞ୍ଜିରେ ପ୍ରଚୁର ମାତ୍ରାରେ ଆଇରନ୍ ରହିଛି। ଏହା ଖାଇବା ଦ୍ୱାରା ଶରୀରକୁ ଶକ୍ତି ମିଳିଥାଏ।
କଖାରୁ ମଞ୍ଜିରେ ଭିଟାମିନ୍ ବି-୬ ପ୍ରଚୁର ମାତ୍ରାରେ ରହିଛି। ଏହାକୁ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବଢ଼ିଥାଏ।
ଏହାକୁ ନିୟମିତ ଖାଇଲେ କ୍ୟାନ୍ସର୍ ପରି ଭୟଙ୍କର ରୋଗ ହେବାର ଆଶଙ୍କା କମ୍ ହୁଏ।